12
Dɛ -tba' 'e Arnɔ 'ɔ "ni 'a i "sii 'ɩn -wɛe -ɛ -jɛa crʋ nyɔɔ 'daa Ɛrmɔ, ɛmɛ -nɩ Sudɛn 'ɛ wlao ke -toʋn" "klein -nɩa 'de Sudɛn -gbuu 'a 'jrʋ 'a 'wlʋʋ 'ɩn fɔo, 'blʋa jeʋn Israɛ -nyʋ 'a tʋ dua -wɛe -ʋʋa 'blʋa ʋʋ "dua 'ʋn ɛ 'jea ʋʋa' dɛ nɩ ʋʋ ka: 2 Ʋʋa' "i -saa -nɔ mɔ -nɩ Siɔn Amɔɔ nyʋ 'a 'blʋa jei -ɔ -tea 'de Ɛsbɔn; nyʋ ɔ -tea "jrukpɔ i mu mamaʋ 'sʋ ʋʋ je Arnɔ 'ɔ -toʋn" 'a tɔo -ɛ -jɛa Aroɛ -wɛe -ɛ -tba' Galadɩ -nyʋ 'a 'blʋa tɔo -ɛ -jɛa Jabɔkɩ 'a "ni 'a -cru -cru nʋ na', 'mɛ -nɩ ɔ ke Amɔɔ -nyʋ 'a 'blʋa 'a -paʋn. 3 Nyʋ ɔ 'blea -ke nɩɛ 'de Alaba 'a -toʋn" -nɩa 'de 'jrʋ 'a 'wlʋʋ 'ɩn fɔo -ɛ -jɛa Senesarɛtɩ 'a "ni 'fla klaa" -ɛ -jɛa 'tɔniɛ -ɛɛ' -sʋa i, -ɛ -muua Bɛtɩ Ajesimɔtɩ fɔo mamaʋ 'sʋ -ɛ -jɛa Piska' crʋ 'a -crena' 'de -sɔɩn.4 Israɛ -nyʋ kpʋn Ɔkɩ -nɩa 'Blʋa jei 'de Basan 'a 'blʋa, ɔ nɩɛ Refaimʋ -nyʋ 'a de 'bɔɔ i, ɔɔ -teɛ 'de Astarɔ 'dewlɛ Ecrei. 5 Ɔɔ' 'blʋa ɔ -tea "jrukpɔ i mɛ -ble Ɛrmɔ crʋ, -ɛ -ble "kwi -kwlɔ nyʋ a 'daa Salɩka ke Basan blʋa -mua' -ɛ - nynia Kɛsʋrʋ nyʋ ke Makatɩ -nyʋ 'a -paʋn "i, ɛ ke Galadɩ 'a 'blʋa 'a 'fɔ due' -sia 'e -ɛ mua -ɛ -nynia Siɔn -nɩa 'blʋa jei 'de Ɛsbɔn 'ɔ -paʋn "i. 6 Moisɩ -nɩa Nyɔsoa 'a dbo nʋɩ ke Israɛ -nyʋ 'a tʋ du 'blʋa jeʋn 'sɔɔn -nʋ 'mɛ -wɛe Moisɩ "nyɩ ʋʋa' 'blʋa Rubɛnɩ -nyʋ ke Gadɩ -nyʋ 'a 'blʋa 'a 'blowɔn ɛ ke Manase 'a 'blʋa 'a 'blowɔn 'ɔ tɔo 'de ɛ 'je ʋʋpʋ 'a 'kɛn 'kpa.
7 'Blʋa jeʋn Sosue' ke Israɛ -nyʋ 'a tʋ dua 'de Sudɛn -gbuu 'a 'jrʋ 'a i blʋa' fɔo, -wɛe -ʋʋa 'blʋa tba 'de Baalɩ Gadɩ, 'de Diban 'a -ta -nɩa pɛɛ pɛɛ ɛ, ɛ -mʋa' -ɛ -jɛa Alakɩ 'de -ɛ -toa "jru "jɛi -ɛ mua Sei' fɔo ɛ. Sosue' -seeɛ 'ʋn 'ɛ 'de Israɛ -nyʋ 'a 'blʋa 'a 'blowɔn 'nynɩ ɔ je ʋʋpʋ "nyɩ, ɛ 'je ʋʋa' dɛ 'kpa. 8 Ɩa' 'blʋa 'a 'fɔ tu mɩ -nɩa 'blʋa crʋɩ nɩa 'dii, mɩ -nɩa wlao -nɩa 'de 'tɔniɛ wɔin, -toʋn" nɩa 'de Alaba wɔin, 'blʋa 'a 'fɔ -nɩa crʋ -kwlii', 'de Suide ke Nekɛfʋ 'a -pɩɩɔn" ke. Nyʋ -blea ɩa' 'blʋa tu mʋ -nɩ Ɛtɩ -nyʋ o, Amɔɔ -nyʋ o, Kanaa nyʋ o, Felesi nyʋ, Ɛfi nyʋ ke Sebusɩ -nyʋ ke. 9 'Blʋa jeʋn tʋ dua mʋ -nɩ Seriko 'a 'blʋa jei o, Ai -nɩa 'de Betɛlɩ -pʋn" 'a 'blʋa jei o, 10 Selisalɛmʋ 'a 'blʋa jei o, Eblɔn 'ɔ 'blʋa jei o, 11 Ɩamʋtɩ 'a blʋa jei o, Lakisɩ 'a 'blʋa jei o, 12 Eklɔn 'ɔ 'blʋa jei o, Kesɛɛ 'ɛ 'blʋa jei o, 13 Debii 'a 'blʋa jei o, Kedɛɛ 'ɛ 'blʋa jei o, 14 Ɔrma' 'a 'blʋa jei o, Aradɩ 'a 'blʋa jei o, 15 Libʋna 'a 'blʋa jei o, Adulamʋ 'a 'blʋa jei o, 16 Makeda 'a 'blʋa jei o, Betɛlɩ 'a 'blʋa jei o, 17 Tapua 'a 'blʋa jei o, Efɛɛ 'ɛ 'blʋa jei o, 18 Afɛkɩ 'a 'blʋa jei o, Salɔnɩ 'a 'blʋa jei o, 19 Madɔn 'ɔ 'blʋa jei o, Asɔɔ 'ɔ 'blʋa jei o, 20 Simʋlɔnɩ Melɔnɩ 'a 'blʋa jei o, Akɩsafʋ 'a 'blʋa jei o, 21 Tanakɩ 'a 'blʋa jei o, Mekido 'a 'blʋa jei o, 22 Kɛdɛsɩ 'a 'blʋa jei o, Jokɩeamʋ 'a 'blʋa jei -nɩa 'de Kamɛlɩ -crʋ "kpei o, 23 Dɔɔ 'ɔ 'blʋa jei -nɩa crʋɩ "jru o, Goimʋ 'a 'blʋa jei -nɩa 'de Galile -pʋn" o 24 ɛ ke Tiisa 'a 'blʋa jei ke.
Ʋʋ bea o, ʋʋ nɩɛ kwla taan 'jɔ due'.